健忘

上周先知原來好多男人連結婚紀念日都唔記得。
「醫師，連結婚紀念日都唔記得係咪有病呀？」
「連結婚紀念日都唔記得，唔係心有病，就係身有病。心有病，通常都係無心肝，無得醫。身有病，通常都係心及腎唔掂。」
清代名醫林羲桐說：「人之神，宅於心，心之精，依於腎，而腦為元神之府，精髓之海，實記性所恁也。」
所以對於無記性，咩都唔記得，治療宜滋養心腎。藥方孔聖枕中丹丶朱雀丸丶安神定志丸，可隨證選用。
健忘可醫，發噏風及發花癲真係無得醫。